فرمان الہی
نماز کے اوقات
نومنتخب امریکی صدر ڈونلڈ ٹرمپ نے شام میں بشار الاسد کی حکومت کے خاتمے پر ردعمل دیا ہے۔
ایک بیان میں ڈونلڈ ٹرمپ نے کہا کہ بشار الاسد اپنے ملک سے بھاگ گئے۔ ولادی میر پیوٹن کی قیادت میں روس اس کا محافظ تھا۔
انہوں نے مزید کہا کہ یوکرین جنگ کی وجہ سے کمزور روس کو اب بشار الاسد کی حفاظت میں کوئی دلچسپی نہیں، روس اور ایران دونوں ہی اس وقت کمزور ہیں۔
نومنتخب امریکی صدر نے یہ بھی کہا کہ روس نے یوکرین کی وجہ سے شام میں دلچسپی کھودی ہے، پڑوسی ملک سے جنگ میں 6 لاکھ کے قریب روسی فوجی ہلاک یا زخمی ہوئے ہیں۔
ان کا کہنا تھا کہ یوکرین اور معاشی کمزوری کی وجہ سے روس کمزور ہے۔ یوکرین میں فوری جنگ بندی اور مذاکرات کا آغاز ہونا چاہیے، پوتن کو خوب جانتا ہوں وہ یہ کرسکتا ہے اور چین مدد کرسکتا ہے۔
