اٹارنی جنرل انور منصور خان مستعفی

انور منصور خان نے اٹارنی جنرل پاکستان کے عہدے سے استعفیٰ دے دیا، انہوں نے اپنا تحریری استعفیٰ صدرِ مملکت ڈاکٹر عارف علوی کو منظوری کے لیے بھیج دیا۔

’’اٹارنی جنرل سے حکومت نے استعفیٰ مانگا‘‘

وزیرِ اعظم عمران خان کے معاونِ خصوصی شہزاد اکبر اور وفاقی وزیرِ قانون فروغ نسیم نے انور منصور خان کے بیان کی تردید کرتے ہوئے کہا ہے کہ اٹارنی جنرل انور منصور خان سے حکومت کی جانب سے استعفیٰ مانگا گیا ہے۔

انوار منصور خان نے اپنے استعفے میں مؤقف اختیار کیا ہے کہ پاکستان بار کونسل نے میرے استعفے کا مطالبہ کیا تھا۔

انہوں نے مزید کہا ہے کہ جس بار کا میں چیئرمین تھا افسوس اس ہی نے مجھ سے استعفیٰ مانگا، جب اپنی برادری استعفیٰ مانگے تو دینا پڑتا ہے۔

یہ بھی پڑھیئے: اٹارنی جنرل ثبوت دیں یا معافی مانگیں، سپریم کورٹ

انور منصور خان نے اپنے استعفے میں یہ بھی کہا ہے کہ پاکستان بار کونسل کے مطالبے پر فوری مستعفی ہو رہا ہوں، میں نے خود اپنا بیان جمع کرادیا ہے، معذرت کرلی ہے۔